Նարեկ արք. Ալեէմէզեան։ ԲԱՑՄԱՆ ԱՂՕԹՔ
«Տէ՜ր, եթէ զշրթունս իմ բանաս,
բերան իմ երգեսցէ զօրհնութիւնս քո»
(Ժամագիրք)
Նօրօծ աբեղային հոգիէն կը փրթի
հին ու նոր բոլոր հոգիները Աստուծոյ կը տանի
Առաւօտեան առաջին շողերուն հետ զԱստուած մեզի կը բերէ
մեզ Արարիչին հարազատ զաւակները կը դարձնէ
կը տաճարացնէ
Շուրթերէ-սիրտեր կ’անցնի
ալէլու, սաղմոս, շարական
սրբութիւն, գոհութիւն, օրհներգութիւն
մշտաբաց խորան
մարդընկալ Աստուած…
Կեանքի երգն է
Տէ՜ր
երախտիքի այս հծծիւնը
«զարթուցեալքս» մեր բերնէն
ականջիդ հասնող
մեզ իրար կապող
Նարեկ արք. Ալեէմէզեան
20 Յունուար 2014
No comments:
Post a Comment