ԹՈՆԴՐԱԿ: [Ոչինչ չի մնացել ասելու]

Ոչինչ չի մնացել ասելու,

որն ինձ պահի ոտքի վրա,

ոչինչ չի մնացել,

բացի

իմ ձայնից,

իմ չարտասանված բառից,

որ թփրտում է

Քո շրթունքներին...

ԹՈՆԴՐԱԿ, ՆԱՐԳԻԶՆԵՐ ՆԱՐԳԻԶԻՆ շարգէն 

ԹՈՆԴՐԱԿ: [Իմ շուրթերին քո Անունն է]

Իմ շուրթերին քո Անունն է,

բայց քո Անունը Դու չես,

ուրիշն է,

օտարը.

մեզ բաժանում է ընդամենը

մի լեզու,

մի բառ,

որ ղողանջում է ծաղկի կենտրոնում

և Անուն չունի...

ԹՈՆԴՐԱԿ, ՆԱՐԳԻԶՆԵՐ ՆԱՐԳԻԶԻՆ  շարգէն

ԹՈՆԴՐԱԿ: [Սրտիս մեջ]

ՆԱՐԳԻԶՆԵՐ ՆԱՐԳԻԶԻՆ  

                                           Նարգիզ Քարիմյանին

Սրտիս մեջ

մլավող կատվահետքեր են…

Կոկորդիս մեջ

ձկնափշերի պես խրված բաղաձայներ...

Մի կին

սանրվում է աչքերիս մեջ…

ԹՈՆԴՐԱԿ