Զահրատ։ ԿԱՏՈՒԻ ՄԸ ՅՈՒՇԱՏԵՏՐԻՆ

Եթէ թաղին մէջ տասը կատու կայ
Մէկ հատը դուն ես
Եթէ թաղին մէջ հարիւր կատու կայ
Մէկը նորէն դուն

Սակայն այս անգամ հարիւրէն մեկն ես
Իսկ շոյանքիս տակ լոկ մէկ հատ կատու
Հարիւրին հարիւր
Այդ կատուն դուն ես

Գիրք մը - հեղինակ մը՝ Զահրատ ԲԱՐԻ ԵՐԿԻՆՔ

Չար բաներ

Գացէք ըսէք չար բաներուն որ չըլլան

Որ չըլլայ թէ պատահին

Կամ երբ ըլլան հեռու մնան մեր այս պզտիկ աշխարհէն

Համն ու հոտը խաթարելու չհասնին

Չար բաներուն բարև ըսէք մեր կողմէն

Ըսէք գիտենք թէ անոնք կան ու միշտ կրնան պատահիլ

Ըսէք գիտենք թէ կրնան

Օր ցերեկով մութ գիշերով յանկարծակի գալ մեզի

Բայց դուք ըսէք չար բաներուն որ չըլլան

Որ չըլլայ թէ պատահին

Կամ երբ ըլլան հեռու մնան մեր այս պզտիկ աշխարհէն

Քանի որ դուք չէք գիտեր ինչ

Քանի անոնք չեն գիտեր ինչ

Սէր ու սիրով

— Մերթ կենսուրախ — շաղ ու շողով

— Մերթ յուսաբեկ—ահ ու դողով —

Շիւղ շիւղի

Շիներ ենք մենք մեր աշխարհը լոյս օրերու հիւրընկալ —

—Պզտիկ աշխարհ մը որ հազիւ հազ կրցեր է պարտկել

Մեր պզտիկ կեանքն ու մեր անդորրը ջերմիկ—

Այս բոլորը գացէք ըսէք չար բաներուն — և ըսէք

Որ չըլլայ թէ պատահին —

Երբ պատահին հեռու մնան մեր այս տաքուկ երդիկէն

Համն ու հոտը խաթարելու չհասնին

Զահրատ «Բարի Երկինք», Իսթանպուլ 1971

Զահրատ: Հրանդ Տինքին

Աղաւնիները համոզեցին, ըսին որ իրենց վրայ

չեն կրակեր. Հրանդ հաւատաց։ Թէպէտ երկչոտ՝

հաւատաց թէ աղաւնի մըն է։

Բայց կրակեցին։

Նախատեսած էր, մէկ քանի տարի առաջ ըսած էր ինծի.

«Իմ մահը պիտի ըլլայ ոտքի վրայ՝ կանգնած, ոչ թէ պառկած՝

անկողինի մէջ»։




Թող պառկի լոյսերու մէջ։

Եթէ մեզի հարցնէք, ան միշտ յաղթական պիտի կանգնի՝

անաղարտ արձանի մը պէս։




- «Հրանդ Տինքին», Զահրատ


The doves swayed him,
        saying no one fires on them


Hrant believed them.
        Although timid:


He believed
        he was a dove.


But they
        shot him


He had foreseen it,
        he told me a few years ago,


"My death will be on my feet, standing up, not lying down
        in bed. "


May he rest in light.


        If you ask us, he will always stand victorious:


            like an immaculate statue.






Zahrad“To Hrant Dink", translated by Lola Koundakjian

A video tribute to Zahrad's "The Woman Cleaning Lentils"

At APP we love the way poetry cross-pollinates the visual arts, film, dance and theatre.

The Woman Cleaning Lentils was selected for dissemination in APP in 2006, just a few months before Zahrad's death after a long and fruitful life as a poet.

Here's a presentation of "The Woman Cleaning Lentils" by the Hamazkayin State Theatre which was established in 1991 by the celebrated Armenian actor, Sos Sargsyan.




Զահրատ- ՈՍՊ ՍՏԿՈՂ ԿԻՆԸ

Ոսպ մը - ոսպ մը - ոսպեր - ոսպ մը - քար մը - ոսպ մը - ոսպ մը - քար մը

Կանաչ մը - սեւ մը - կանաչ մը - սեւ մը - քար մը - կանաչ ոսպ մը

Ոսպ ոսպի քով - քար ոսպի քով - յանկարծ բառ մը - բառ ոսպի քով

Յետոյ բառեր - ոսպ մը - բառ մը - բառ բառի քով - յետոյ խօսք մը

Ու բառ առ բառ խօլ բարբառ մը - հինցած երգ մը - հին երազ մը

Յետոյ կեանք մը - ուրիշ կեանք մը - կեանք կեանքի քով - ոսպ մը - կեանք մը

Դիւրին կեանք մը - դժուար կեանք մը - ինչու դիւրին - ինչու դժուար

Բայց քով քովի կեանքեր - կեանք մը - յետոյ բառ մը - յետոյ ոսպ մը

Կանաչ մը - սեւ մը - կանաչ մը - սեւ մը - ցաւ մը - կանաչ երգ մը

Կանաչ ոսպ մը - սեւ մը - քար մը - ոսպ մը - քար մը - քար մը - ոսպ մը։




Կարդաց՝
Դավիթ Հակոբյանը
Դերերում՝
Դավիթ Հակոբյան
Նարեկ Բաղդասարյան
Հարություն Սարգսյան
Տաթև Ղազարյան
Սերգեյ Թովմասյան
Արմինե Անդրեասյան
Մարիա Սեյրանյան
Միշա Հակոբյան
Սարգիս Շողունց

Զահրատ։ Սեւակ

Պարոյր մանչս երկուքս ալ
Նոյն տարիքը ունէինք -
Հիմա ես կամ - դուն չկաս -
Եղա՞ւ ասիկա

 
Թէ բարիք է տաղ ըսել
Պարոյր մանչս երկուքս ալ
Նոյն բարիքը ունէինք -
Հիմա ես կամ իբր թէ -
Իսկ դուն կաս ու կը մնաս -
Քանի՞ հոգի մահէն վերջ
Տեսաւ ասիկա

 
Սիրել մարդիկը բոլոր
Թէ կարիք է անկորուստ
Պարոյր մանչս երկուքս ալ
Նոյն կարիքը ունէինք -
Հիմա տխուր - առանձին -
Կը վերյիշեմ քաղցրօրէն
Թէ Պարոյրը բանաստեղծ -
Ըսաւ ասիկա

Պարոյր մանչս քանի որ
Նոյն տարիքը ունէինք -
Մանուկ էինք երկուքս ալ -
Խաղը կիսատ թողուցիր -
Չեղաւ ասիկա...


Զահրատ

ԶԱՀՐԱՏ։ ՏԱՐԻՔՈՏ ԱՂՈՒԷՍԸ

Ես տարիքոտ աղուէս եմ ըսաւ
Ըսելու պէտք չունէր

Յայտնի էր թէ տարիքոտ է
Բայց կասկածելի էր
թէ աղուէս է

Իսկ եթէ աղուէս էր
Կասկածելի էր թէ
տարիքոտ է

Բայց նորէն կրկնեց
թէ տարիքոտ աղուէս է

Իսկ մենք խորհեցանք
Թէ Ագապիի հին մէկ սիրողն էր



ԶԱՀՐԱՏ [Զարեհ Եալտըզեան] (1924-2007)



THE OLD FOX

I am an old fox [he] said
Did not need to say it

Obviously he was old
But doubtful whether
he was a fox

But If he was a fox
doubtful that
he was old

Then he repeated again
he is an old fox

And we thought
he was one of Akabi’s old lovers




Zahrad (Zareh Yaldizian, 1924-2007). Translation by Hratch Tchilingirian

Զահրատ։ Ծովէն վերջ

Ծովափը
Մենք ու մեր ժպիտները փոքրիկ
քով քովի էինք
- Սիրաբանելու յարմար օդ է -
ըսի՞ր թէ չըսիր -
Դուն չըսիր - աչքերդ ըսին -

Պոլսոյ մէջ՝ պատմական նկար

Ձախէն աջ՝

Իգնա Սարըասլան, Օննիկ Ֆըչըճեան, Զահրատ, Զարեհ Խրախունի, Վարդան Կոմիկեան եւ Յակոբ Մնձուրի (նստած)։։։ 1975-ին նկարուած Մարի Սարըասլանին կողմէ։

Զահրատ: ՄԻԱՎԱՆԿ ՏԱՍՆԱԲԱՆԵԱՅ

ԲԱՌ

Պէտք է գորովով մօտենալ բառին

Որպէսզի տոկայ
ամուր ծառ դառնայ
ծառանայ քարին դէմ
երբ զինք քարկոծեն
- Չմնայ մինակ
Բառեր գան իր շուրջ - առաջ կամ ետեւ-
Շարուին զետեղուին
բծախնդրօրէն-

Պէտք չէ խնամքը զլանալ բառէն

ԲԱՆ

Պէտք է խնամքով մօտենալ բանին

Ան կար սկիզբէն
կար ամենազօր
- Աստուած էր նոյնիսկ

Հիմա կը սպասէ մէկու մը որ զինք
ստեղծէ նորէն
- Հիմա կը սպասէ իր բանաստեղծին-
Պէտք չէ մեր սիրտը խնայել բանէն

ԳԻՐՔ

Պէտք է սրտաբաց մօտենալ գիրքին

- Գիրք որ կ՛ամփոփէ ինչ որ մենք էինք
ինչ որ եղանք մենք-
Մինչ դեռ ինչ որ մենք պիտի ըլլանք դեռ
կը մնայ անտիպ

- Պէտք չէ կիսաւարտ հեռանալ գիրքէն

ՏՈՒՆ

Պէտք է աւարտուն մօտենալ տունին

Տունն է ուր կ՛երթանք ու կ՛ապաստանինք
Հոս հոն թափառելէ վերջ անդաստական-

Միշտ տունն է ուրկէ կը ցանկանք փախչիլ
Որ ազատ ապրինք մենք աստանդական

Պէտք չէ շատ կանուխ բաժնուիլ տունէն

ՀՈՂ

Պէտք է շատ կանուխ մօտենալ հողին
Այն ցեխին որմէ մարդը կը շինուի
Այն կաւէն որմէ մարդը կը կերտեն

- Մարդ կայ որ ցեխ է - կը մնայ միշտ ցեխ-
- Մարդ կայ ցոլքն ունի անխարդախ կաւին
Նայած թէ ինչ շունչ փչուեր է իրեն

Պէտք չէ քէն ընել - հեռանալ հողէն

ՍԱՂՄ

Պէտք է ամէն քէն մոռնալ եւ այդպէս
մօտենալ սաղմին.
- Սկիզμը ամէն արկածախնդրութեան -

Չի գիտակցիր ինչ անգիր օրէնքով
եւ ինչու համար
կ՛աճի - կը շատնայ-
Կ՛աճի որ օր մ՛ալ ինքն սկիզբն ըլլայ
նոր նոր սաղմերու-

Պէտք չէ սակարկել ներզօր սաղմին հետ

ԿԻՐՔ

Պէտք է անսակարկ մօտենալ կիրքին

Միշտ ան է որ մեզ պիտի խթանէ
որպէսզի հասնինք
ուր պէտք է հասնիլ
- հոն ուր երազը մեզ կ՛առաջնորդէ-
- Եթէ երազ ունինք-

Պէտք չէ աներազ μաժնուիլ կիրքէն-

ԼՈՅՍ

Պէտք է երազով մօտենալ լոյսին
Որպէսզի գիտնանք
ուր ենք - ուր կ՛երթանք-

Լոյսերը վառել պէտք է քանի որ
Որպէսզի տեսնենք թէ ուր ենք հասեր
- Ու նորէն պէտք է քալել դէպի լոյս
քալել անսայթաք
քալել անխարխափ-

Պէտք չէ կէս ճամբան զրկուիլ լոյսէն

ՄԻՒՍ
Պէտք է սրտաբաց որոնել ճամբան
որ միւսին կը տանի

Միւսը որուն հետ
Օրը տեւական տօն մը կը դառնայ
- եւ որուն համար
Դուն ալ այն միւսն ես որուն կը սպասէ

Հեղ մը որ գտար
գոնէ երազ մը միատեղ չապրած
Ինչու եւ ինչպէս μաժնուիլ միւսէն

ՁԱՅՆ

Պէտք է լաւ դատել
Ինչպէս եւ ինչու մօտենալ ձայնին

Ձայնել բարձրաձայն
Ձեռքբերումը մեր ազատ գոյութեան
Ու չարտօնել որ
Օտարոտի եղծ ու կեղծ ձայներով
Օրօրուինք ու մենք քնանանք ի սպառ

Պէտք է մշտարթուն տոգորուիլ ձայնէն

ՎԵՐՋԱԲԱՆ

Պէտք է մշտարթուն մօտենալ վերջին

Թէպէտ միշտ պատրաստ
Բայց միշտ պնդել թէ կանուխ տակաւին
Թէ չէ մաշած մաշկը որ կը պաշտպանէ
Փճացումին դէմ
Թէ անժամանակ
Կորուստն է պղտոր սահմանէն անդին

Եւ հաւատալ թէ զօրեղ ենք այնքան
Որ ինքնապաստան
Կրնանք խուսափիլ ահաւոր վերջէն

Փորձառու ագռաւ մը կþազդարարէ
Պէտք չէ խուսափիլ ահաւոր վերջէն

ԶԱՀՐԱՏ

«Ազդակ Գրական» Թիւ 3, 2012

Esayan-Getronagan Alumni in New York City to mark the 90th birthday of ZAHRAD

Զահրատ։ Գարուն 17

Դեռ նոր տասնը եօ

նըեօթը տարու

կը պլլուին ծառին

ծառին հաստ բունին

ու լուս

ու լուսնի

ու լուսնի լոյսով

կը սիրաբանին

բանին ծառին հետ

վիրաւոր

րաւոր ճայի մը պէս

                            պէս

Լիալուսնի լոյսով

սերմեր կը ցրուին

ուին աննպատակ

մինչ ամառ գիշե

րը գիշերը հեշտ

կը թափանցէ մեր

                               մեր մորթերէն ներս

Կրակ կը շրջի մեր երակներէն 

ու անոնք որ դեռ 

դեռ նոր տասնըեօ

նըեօթը մտան

արթուն կը հսկեն ճիւղ ճիւղ ծառին վրայ

պատրաստ առաջին

առաջին փորձին

եւ փորձառութեան

Զահրատ, «Մէկ գարով երկու գարուն»

17th Spring

by Zahrad

Still new neo seven

teen fledgling birdlings

cling clang hang 

from the branch

of the tree not daring

leaving loving the sturdy tree

by the light

by moonlight

they fall in love 

with the light

of the lit tree like

flitting jays

poppingjay

bobbing jay

by the lamp light they toss

away seeds, waste seeds

until the summer night

and summer comes

to calm

their burning skins

fire spumes from their wings

of the new seven

teen staying up

ready

hanging on the limb

waiting and wanting

the first try

the first trial

Translated by Garig Basmajian. Published in RAFT, Volume 5, 1991.

ԶԱՀՐԱՏ։ Սամուէլին Երկրորդ Սէրը

1

- Օրը այսպէս կ՛անցնի –

Վերելակը վեր

Վերելակը վար

Վեր - վար

Վերելակը վեր – Սամուէլ վեր

Վերելակը վար – Սամուէլ վար

Վեր վար վեր վար Սամուէլ վեր

Վեր վար վեր վար Սամուէլ վար

Նատիան կու գայ – վերելակը վեր

Նատիան կ՛երթայ – վերելակը վար

Սամուէլ Սամուէլ Սամուէլ վեր

Սամուէլ Սամուէլ Սամուէլ վար

Սամուէլ վեր

Սամուէլ վար

Վեր – վար

2

- Երբ Սամուէլ առանձին է –

Նան – Նատիա – Նատիա – տի

Նան – Նատիա – Նատիա – նա

Սամուէլ վեր

Նան – Նատիա – Նատիա – տի

Սամուէլ վար

Նան – Նատիա – նան – նատի

3

- Երբ Սամուէլ եւ Նատիա վերելակին մէջ են –

Անոր նայիլ – ոչ – Սամուէլին աչքերը վար

Թէ չնայիլ – ոչ - Սամուէլին աչքերը վէր

Սամուէլին աչքերը վար

Զինքը սիրել – ոչ - Սամուէլին սիրտը վար

Թէ չսիրել – ոչ - Սամուէլին սիրտը վեր

Սամուէլին սիրտը վեր

4

- Երբ Սամուէլ վերելակին մէջ առանձին կ՛իջնէ վար –

Վար Սամուէլ վար

Սիրուեր է – չէ սիրուեր – Սամուէլ – վերելակը վար

Կը սիրեմ ըսեր է – չէ ըսէր - Սամուէլ – վերելակը վար

Վար Սամուէլ վար

5

- Օրը այսպէս կ՛անցնի –

Վեր - վար

Վերելակը վեր – Սամուէլ վեր

Վերելակը վար – Սամուէլ վար

Վեր վար վեր վար Սամուէլ վեր

Վեր վար վեր վար Սամուէլ վար

Նատիան կու գայ – Սամուէլին սիրտը վեր

Նատիան կ՛երթայ – Սամուէլին սիրտը վար

Սամուէլ վեր

Սամուէլ վար

Samuel’s Second Love

1

- The day goes on like this –

Elevator up

Elevator down

Up – down

Elevator up – Samuel’s up

Elevator down – Samuel’s down

Up down up down Samuel’s up

Up down up down Samuel’s down

Nadya comes – elevator up

Nadya leaves – elevator down

Samuel Samuel Samuel’s up

Samuel Samuel Samuel’s down

Samuel up

Samuel down

Up - down

2

- When Samuel is alone –

Nan – Nadya – Nadya – Dee

Nan – Nadya – Nadya – Na

Samuel up

Nan – Nadya – Nadya – Dee

Samuel down

Nan – Nadya – Nan – Nadee

3

- When Samuel and Nadya are in the elevator -

To look at her – no – Samuel’s eyes down

Or not to stare – no – Samuel’s eyes up

Samuel’s eyes down

To love her – no – Samuel’s heart down

Or not to love her – no – Samuel’s heart up

Samuel’s heart up

4

- When Samuel rides down alone in the elevator -

Down Samuel down

He is loved – not loved – Samuel – elevator down

I love he said – didn’t say – Samuel – elevator down

Down Samuel down

5

- The days goes on like this –

Up - down

Elevator up – Samuel’s up

Elevator down – Samuel’s down

Up down up down Samuel’s up

Up down up down Samuel’s down

Nadya arrives – Samuel’s heart up

Nadya leaves – Samuel’s heart down

Samuel up

Samuel down

Translated by Lola Koundakjian

ԶԱՀՐԱՏ: Ի ՎԵՐՋՈՅ

Photo courtesy of Varteni Mosditchian

Ինչ որ կը խորհիս ճամբուն ընթացքին
ինչ որ կը տեսնես
Ինչ կեանք որ կ՛ապրիս այս կեանքէն անդին
ինչ որ հոն ունիս
Ինչ որ յուսացիր թէ քեզ կը սպասէր
... ինչ որ քեզ կանչեց
Իսկ ինչ որ գտար- ինչ որ սիրեցիր
ինչ որ ուզեցիր
Եւ ինչ որ մնաց քեզի այս աղուոր
Ճամբորդութենէն
Ինչ որ չուզեցիր ոչ իսկ քեզ պատմել
մոռնալու վախէն
Այն որ տակաւին հարցումի մը պէս
հետդ կը տանիս

ԶԱՀՐԱՏ (ԶԱՐԵՀ ԵԱԼՏԸԶՃԵԱՆ)
1924-2007

Զահրատ։ Երկնածիծաղ

Երկինքն ի վեր խարսխած

Չարաճճի աստղ մը կայ

Երեք միլիոն տարի է - երկրագունթին կը նայի

Ու կը մարի խնդալէն


Celestial Snicker

There’s a naughty star
Anchored up in heaven --
Over three million years now
It’s been looking at earth
And laughing its head off


Zahrad
Translated by Tatul Sonentz


RISITA CELESTIAL

Hay una pícara estrella
Anclada en el cielo -
Durante tres millones de años ahora
Ha estado mirando a la tierra
Y riéndose de verla degollada.


Translated into Spanish by Renato Sandoval Bacigalupo

Զահրատ։ Երկնաքար

Քար չի բաւեր քարկոծելու անջատ անջատ բոլորս ալ

Կը հաւաքուինք նոյն աշխարհին վրայ ամէնքով միատեղ

Ու կը սպասենք ահանգնադղորդ երկնաքարին որ չի գար

M e t e o r

Not enough rocks around
To stone the whole bunch of us
Each one of us one by one --
We gather around on the same rock
All of us in one place and we wait
For that one gargantuan meteor
-- That never comes

Zahrad

Translated by Tatul Sonentz

METEORO

No hay suficientes rocas cerca
Para lapidarnos a todos
A cada uno de nosotros uno tras uno-
Nos reunimos en la misma roca
Todos nosotros en un solo lugar aguardando
Ese meteoro gargantúa
- Que no llega nunca

Translated into Spanish by Renato Sandoval Bacigalupo

Զահրատ։ ՏԱՐԲԵՐՈՒԹԻՒՆ

Կիկօ աչքերուն ակնոց է առեր
Ուր որ կը նայի կապոյտ կը տեսնէ
Երկինքը կապոյտ – ծովերը կապոյտ
Սիրած աղջկան աչքերը կապոյտ
Ուր որ կը նայի կապոյտ կը տեսնէ

Ակնոցը քթին չորս դին կը նայի –
Կ՛ըսես ծովերը կապոյտ էին միշտ
Կ՛ըսես երկինքը կապոյտ էր արդէն
Չի հաւատար որ – նոր տեսայ կ՛ըսէ
- Ակնոցը քթին չորս դին կը նայի

Կիկօ աչքերուն ակնոց է առեր
ՀԻՄԱ կապոյտը կապոյտ կը տեսնէ






DIFFERENCE

Kiko has bought glasses for his eyes
He sees blue wherever he looks
The skies blue – the seas blue
His sweetheart’s eyes blue
He sees blue wherever he looks

Glasses on his nose he looks around –
You tell him the seas were always blue
You tell him the skies were already blue
He won’t believe – I just noticed he says
-- Glasses on his nose he looks around


Kiko has bought glasses for his eyes
NOW he perceives blue as blue

Zahrad
Translated by Tatul Sonentz

Զահրատ։ Գող

Մեր քթին ակնոց
Փողկապ մեր վզին
Դեռ նոր արդուկուած
Համազգեստն հագած
Մենք - պաշտօնապէս -
Կը դիտենք Կիկօն
որ խուճապահար
Մեր մանկութենէն փշուր մը գողցեր
Պահեր է - մոռցեր թէ ո՞ր քարին տան

Thief

Eyeglass on our noses
Necktie around our necks
Wearing uniforms
Ironed just now
We – officially --
Watch Kiko
Who, startled
Has stolen a bit of our childhood
And hidden it – forgetting
Under which stone

Zahrad
Translated by Tatul Sonentz

Զահրատ։ Քար

                       Ա.

Քարը - որուն վրայ կը կոխէք կ՛անցնինք

Քարը – որուն վրայ կը թքնէք

Քարը

զոր կը նետէք իրարու գլխուն

լուտանքի տեղ

անէծքի պէս

Այդ քարը կ՛առնեմ գուրգուրանքով

սենեակս կը տանիմ –

կը ծնրադրեմ առջին

ու կ՛աղօթեմ

Բ.

Քար – իմս – իմ քարս – քար

քար սրտիս – քար երեւակայութիւններուս

քար – անկարելին – քար – անդրդուելին –

քար – իմս – իմ բաժինս – քար

Գ.

Կոխեցէք քարերուն վրայէն անցէք

Քարերուն վրայէն քարէ քար ցատկեցէք

Դիտեմ կարաւանները կենսուրախ

Դիտեմ կարաւանը հաստատաքայլ

եւ – սպասեմ հոս անվաղորդայն

քարացած – ես

Անցէք բարեկամներ կոխոտելով անցէք

Ես ինքս քար – քար

Դ.

Ու քարերն ինչ են որ ձեզի համար

Դուք կը նետեք զանոնք

Ես կը հաւաքեմ

Ե.

Կ՛աղօթեմ

Կը ծնրադրեմ առջին

այդ քարը զոր կ՛առնեմ գուրգուրանքով

Քար

որ անէծքի պէս

լուտանքի տեղ

կը նետէք իրարու գլխուն

Քարը – որուն վրայ կը թքնէք

Քարը – որուն վրայ կը կոխենք կ՛անցնինք

Քար – իմս – իմ քարս – քար

P I E R R E

A.

Cette pierre – que vous piétinez en passant

La pierre – que vous crachez dessus

La pierre

que vous vous lancez à la tête l’un à l’autre

aux lieu des insultes

comme malédiction

Je ramasse cette pierre avec soin

et je l’amène à ma chambre

je m’agenouille devant elle

et je prie

B.

Pierre – la mienne – ma pierre – pierre

pierre de mon coeur – Pierre de mes pensées

pierre – l’immuable – pierre – l ’imprenable –

pierre – mienne – ma part – pierre

C.

Piétinez la pierre et passez

Sautez d’une pierre à l'autre sur les pierres

Que j’observe les caravanes joyeuses

Que j’observe les caravanes résolues

et – que j’attend ici indéfiniment

pétrifié – moi

Allez-y mes amis piétinez et passez

Moi même pierre – pierre

D.

Que savez-vous des pierres?

Vous les jetez

Je les ramasse

E.

Je prie

Je m’agenouille devant elle

la Pierre que je ramasse avec soin

Pierre

que comme malédiction

aux lieu d’insulte

vous vous lancez à la tête l’un à l’autre

La pierre – que vous crachez dessus

La pierre – que vous piétinez en passant

Pierre – la mienne – ma pierre – pierre

ZAHRAD

Traduit par Tatoul Sonentz

Զահրատ։ Բանալիին ծակէն

Կղպանքին մէջ

Բանալին կը դառնայ ետ

Լեզուակ մը կը շարժի դէպի ներս

Ու դուռ մը կը բացուի

դէպի կեանք

Յետոյ կը կղպուի դուռը մեր վրայ

- Բանալին կը դառնայ առաջ

Լեզուակը դէպի դուրս -

Ու փակ դրան ետեւ

Կը մնայ հաճոյքը ապրելու

Այն ատեն մենք

Կը դառնանք ետ

Ու բանալին ծակէն

Կը դիտենք մենք զմեզ

THROUGH THE KEYHOLE

Inside the lock
The key turns back
A tumbler moves inward
And a door opens
on life

Then the door is locked on us
- The key turns forward
The tumbler outward –
And the joy of life is left

Behind the closed door
Then all of us
Turn back
And watch ourselves
Through the keyhole

ZAHRAD
Translated by Tatul Sonentz

Quote for the Month of February

Ոմանց քով

անձը ու տանձը

շատ տարբեր չեն իրարմէ

Անձ է թէ տանձ

յայտնի կ'ըլլայ

իր կեղծամէն

ու համէն 

Զահրատ։ Տանձի Համ

ԶԱՀՐԱՏ 

ԴԴՈՒՄԻ ՀԱՄ (Բանաստեղծութիւններ), Արաս Հրատարակչութիւն, 2009 Ստամպուլ