Thursday, January 17, 2019
Friday, December 30, 2016
Նորա Պարութճեան։ՄԷԿ ՄԱԶԷ ԿԱԽՈՒԱԾ
Լաթակալով մը բռնեց ականջէս,
մազէ բարակ պարանէ կախեց.
խարազանը ձեռք առաւ,
ճօճեց, զարկաւ
գետնին փոշին գրգռեց
ու սկսաւ բացատրել
թէ ծանրութիւն ես գրեթէ չունէի.
ահա՜ւասիկ,
կ’օրօրուէի ամէն խօսքէ,
շարժումէ,
ձայնի ամէն կշռոյթէ։
Այս՝ սկսաւ խաղի պէս,
խաղն սկսաւ երախայի
միամիտ մէկ ցանկութեամբ.
երբ սկսաւ,
խնդալէն կը մարէինք։
Այդ օրերուն
մեր առօրեայ հոգերը՝
կախուած մազէ պարանէ,
հովերու բերնին
մազէ խաղալիք էին։
մոռցանք գործ,
պարտք-ական-հաշիւ,
կարծեցինք ըլլալ
երջանիկ գիժեր
ու գիժ ձեւացանք։
Յետոյ՝ արեւը մեր գլխուն զարկաւ,
արիւնը եռաց,
լեզուն ահեղ անիւի նման
դառնալ սկսաւ
ու խարազանը՝ դահիճի ձեռքին
հին գործիք դարձաւ։
Բարակ պարանէն կախուած մարմինս
թփրտաց ուժգին.
խաղը վերջ գտաւ.
կախեալ վիճակս
տառապանք դարձաւ.
ի զուր փորձեցի
փրթիլ ու իյնալ,
քիթ բերան սիրտ միտք արիւնել՝
բայց գետինս դառնալ։
Գետին ա՜լ չկար։
Խենթութեան խաղին
դարձայ խրտուիլակ՝
մէկ մազէ կախուած։
Posted by Armenian Poetry Project at 12/30/2016 07:00:00 AM 0 comments
Labels: Contemporary, France, Nora Baroudjian
Thursday, November 26, 2015
Նորա Պարութճեան։ ՊՂՊՋԱԿԸ
Posted by Armenian Poetry Project at 11/26/2015 07:00:00 AM 0 comments
Labels: Contemporary, France, Nora Baroudjian
Wednesday, November 25, 2015
Նորա Պարութճեան։ ԱԿՆԹԱՐԹԸ
յաջորդ անգամ
զիս ալ հետը կը տանի՞։
Posted by Armenian Poetry Project at 11/25/2015 07:00:00 AM 0 comments
Labels: Contemporary, France, Nora Baroudjian
Monday, May 26, 2014
Նորա Պարութճեան: [Սիրտս կ’ուզէ յանցանք գործել]
Սիրտս կ’ուզէ յանցանք գործել.
ա՜լ կ’ամչնամ,
50 տարիս լրացաւ,
դեռ՝ քաջերու զաւեշտով փախուստ կու տամ
կախարդանքի ծուղակէն։
Իյնայի սանկ թաւալգլոր
խաւաքարտէ տարիքէս
նենգութեան մէջ շշուկին անցեալի մերկ ծառերու,
խառնէր սիրտս ու
արտաքսէր՝ կոկորդէս վար դիւրին սահած
ախորժալի պատառները վիթամինով համովցած։
Չարութիւնը աղբակոյտի վերածուած
խցանուեր է ներսիդիս
ու թոյլ չի տար որ ներեմ
ոտքիս տակ օձերու պէս գալարուող
մահէն անգամ մերժուած լեզուներու թունաւոր։
Պարտէզիս մէջ պէթոնէ
վարդ ու տատասկ փուշեր չունին այլեւս։
Կարծրութիւնը խեղճացած
իր յօրինած հովերուն խաղը միայն կը փչէ։
Սիրտս կ’ուզէ մուտք գործել
դուռ պատուհան ու պատնէշ դեռ չիմացող աշխարհը,
ճամբաներու գաղափարը չհաստատած գետինը
քալեմ մէյ մը,
մէկը ինծի բարեւ տայ առանց պատճառ փնտռելու,
ուրկէ գալս հարցնէ առանց յետոյ-ն քակելու,
չնայիմ ոչ ետ ոչ առաջ,
ձեռքէն բռնեմ ձեռքէս սահող
սա անծանօթ Ներկային
ու համբոյր մը դրոշմեմ իր ճակատին դառնացած,
ըսեմ իրեն՝ հազար անգամ ներողութիւն,
կը փնտռէի, յուսամ շատ չեմ ուշացած։
Posted by Armenian Poetry Project at 5/26/2014 07:00:00 AM 0 comments
Labels: Contemporary, France, Nora Baroudjian
Sunday, May 25, 2014
Նորա Պարութճեան: ՄԱՀՈՒԱՆ
Posted by Armenian Poetry Project at 5/25/2014 07:00:00 AM 0 comments
Labels: Contemporary, France, Nora Baroudjian
Friday, March 21, 2014
Նորա Պարութճեան: ՈՒ ՎԵՐՋ
Նորա Պարութճեան
Posted by Armenian Poetry Project at 3/21/2014 07:00:00 AM 0 comments
Labels: Contemporary, France, Nora Baroudjian, Translated into English