Quote for the month of March 2021

To write a poem is to examine, eat or throw eggs.

William Saroyan
From “To Write a Poem’

Poetry October 1948

Նարեկ արք. Ալեէմէզեան։ ՀԱՅԻՆՔՆՈՒԹԻՒՆ

Սփիւռք ………………………………………………………………………… Հայաստան

Հայաստան ……………………………………………………………………. Սփիւռք

Սփիւռք-Հայաստան          Հայաստան-Սփիւռք              Սփիւռք-Սփիւռք-Սփիւռքներ

Ինքնութիւն

Բազմինքնութիւն

Անինքնութիւն Այլինքնութիւն Այլութիւն Բազմայլութիւն

Հայինքնութիւն

Հայու 21-րդ դարու խճանկար

մշակոյթ ընտանիք դպրոց ակումբ եկեղեցի հայ դատ

        հայրենիք/հայրենիքներ

Այսպէ՛ս այստեղ

Այսպէ՛ս այնտեղ

Այսպէ՛ս ամեն տեղ

Այսպէ՛ս այսօր

Այսպէ՛ս վաղը

Այսպէ՞ս յաւիտեան…

Անթիլիաս-Լիբանան 10 Մայիս 2014         

Նարեկ արք. Ալեէմէզեան

Յ.Գ. «ՀԱՅԻՆՔՆՈՒԹԻՒՆ»-ը կարելի է լսել այցելելով.- https://www.facebook.com/nareg.alemezian/

Նարեկ արք. Ալեէմէզեան։ ՀՈԳԻՆԵՐՈՒ ԼՈՒՍԱՒՈՐԻՉ

(Ձօն՝ Սինկափուրի Ս. Գրիգոր Լուսաւորիչ Եկեղեցւոյ)

«Բարեխօս ունիմք զմեծ խոստովանողն Քրիստոսի զհայրապետն մեր զՍուրբն Գրիգոր լուսաւորիչն հայաստանեայցս աշխարհի» 

          (Ժամագիրք)

Բա՜ց դարպաս…

արդար մարդու հոգիին պէս ճերմակ

կանաչ ծաղկուն դարաւոր քար-ծառ

Արարատէն պոկուած շնչող նշխար

գերարդի քաղաքի սիրտին բազմած 

Խոր Վիրապի քոյր վկայարան

Սեպուհ լերան ճգնարանի յուշարձան

մաքուր աղօթք

բիւրեղ անձրեւ

զով մրմունջ

ջերմ ովասիս

«Արմինեըն Սթրիթ»…

Հայ մո՞մ խո՞ւնկ զա՞նգ շարակա՞ն – հաւատալից հոգիներու գահաւորակ

սինկափուրեան կարգ-կանոնի խճանկար

հայու խաչի ճամբու ուրուանկար 

   քարտէս սլաք հայկեան

  երկնանիզակ հոգետաճար

Սո՜ւրբ հայր ………………………………………………………. Սո՜ւրբ խորան

հայ օտար զբօսաշրջիկներ խառն

չին չան ճին ճան ջին ջան ջան ջան

նկար յուշամատեան կայքէջ մեկնում անճար

անցելայուշ որբացած մայր

աշխարհասփիւռ հայ վա՜յ

Խոստովանողդ մեծ

մեծ քաղաքի

զիլ աղմուկի

անքուն հրեշտակ

արի պահակ 

մաքրարար հոգետուն

յարաշարժ կարաւանի ծնկաչոք ուղտ` Ս. Գրիգոր Տիրոջ բարեխօս…

Սինկափուր-Սինկափուր 4 Փետրուար 2014         Նարեկ արք. Ալեէմէզեան

Յ.Գ. «ՀՈԳԻՆԵՐՈՒ ԼՈՒՍԱՒՈՐԻՉ»-ը կարելի է լսել այցելելով.- https://www.facebook.com/nareg.alemezian/

Նարեկ արք. Ալեէմէզեան։ ԽԱՐԻՍԽ

Պուրճ Համուտ – մանկութիւն-պատանեկութիւն՝ 

Ս. Վարդանանց եկեղեցի

տէտէ նէնէ տուտու ամմօ

Ս. Ծնունդի ազգականներու այցելութիւն 

պաչիկ շաքար

– «Այսօր տօն է … աւետիս կաղնտոս» –

Ս. Սարգիսի «հալվա»ով կանուխ զարթնում 

պղինձէ ամաններու չխչխկոց

        – «Սուրբ Սարգիս հալվասը կելտի՜՜՜» – 

Ձմեռային հեղեղ թիթեղներուն վրայ անուշ նուագ – «Սէ՜՜՜լ կելտի» – 

խորոված քեսթենէ սխտորով փաչա – առաջին «եա՜ա՜ա՜գ» 

Զատիկի «քեխկէ»ի բուրմունք 

– «Աղջի՜կ իմ քեխկէիս ալ համին նայիր» – 

համտեսումի հպարտ հրաւէր – առաջին «եա՜ա՜ա՜մ» 

      – «Զատի՜՜՜կ կելտի» –

Ամառ – «Փոսթա՜՜՜ կելտի» –

կապոցներու հեւքոտ փաթաթում 

ճէպէլ 

թոնիրի հաց

թարմ կաթ

արաբ մայրապետներու խիստ դպրոց

Անթիլիաս – պատանեկութիւն-հոգեւորութիւն՝

Ս. Գրիգոր Լուսաւորիչ մայր տաճար

շապիկ ուրար քշոց սկիհ աղօթք

– «Հրեշտակ զուարթուն հզօր պահապան մեր» –

նարինջ պանան մասունք ժառանգ ընծայ 

– «Օրհնեսցի օծցի եւ սրբեսցի» –

Վանգուվըր. երիտասարդութիւն-առաքելութիւն՝

Ս. Գրիգոր Լուսաւորիչ եկեղեցի

առանձնութիւն ուսումնառութիւն հովւութիւն

վանական կարօտ

ակադեմական շփում

հօտի ստեղծում

                տարեկան «բիքնիք»

Նիւ Ճըրզի – յանձնառութիւն-հասունութիւն՝

Ս. Վարդանանց եկեղեցի 

ամերիկահայ պոլսահայ ռումանահայ 

սուրիահայ լիբանանահայ հայաստանցի հայ 

     հայահայ 

     հարահրոց 

     հայապահպանում

Եթովպիա – միջ-եկեղեցական ժողով-այցելութիւն՝

Ս. Գէորգ եկեղեցի

հապէշահոտով հաւ Կարօ Փօլատեան «Կը հրաժարիմ հայութենէ» 

բռնագրաւուած դպրոց հապէշ աշակերտութիւն

հայոց ակումբ – «Կեանքիդ ամենէն համով քէպապը հոս կ’ուտես» –

Հնդկաստան – միջ-եկեղեցական ժողով-այցելութիւն՝

Ս. Թովմաս հնդկաց եկեղեցի

հինտու իսլամ քրիստոնեայ 

տաճար մզկիթ եկեղեցի 

գոյութենական համադրութիւն 

ներքին պայքար 

գըրրի 

մժեղ

Սինկափուր – այցելութիւն-մտերմութիւն՝

Ս. Գրիգոր հայոց եկեղեցի 

«Արմինեըն Սթրիթ»

ֆուլ, մանկօ 

մնացորդաց 

             բեկոր – «Ո՞նց ես» –

Ժընեւ – ժողով-միջ-եկեղեցական փորձառութիւն՝

Ս. Յակոբ եկեղեցի

համաշխարհայնացում տիալոկ վկայութիւն 

ծառայութիւն միութիւն

միութիւն զանազանութեան մէջ 

զանազանութիւն միութեան մէջ 

Ֆէյթ էնտ Օրտըր 

շոքոլա

հայ յեղափոխութիւն

Փարիզ – այցելութիւն-սիրելիութիւն՝

Ժան Կուժոնի եկեղեցի

Մութոն Գատէ 2010 

պանիր պակէթ ֆուա կրա

Թուր Էյֆէլ

Կոմիտաս «Յառաջ» 

… Եւ դեռ Մոնթրէալ Լոս Անճելըս Հալէպ Գահիրէ Զիմպապուէ Սալզպուրկ …

խառնաշփոթ խառնիճաղանճ խառնուղիներ

Վերջապէս … Հայաստան-Արցախ հայրենիք-գոյամարտ

Ս. Հռիփսիմէ

Մաշտոցի անուան մատենադարան

Թումանեան Սարեան խաչմերուկ

Ծաղկաձոր Ջերմուկ Դիլիճան

Արարատ Սեւան

շրջափակում 

արտագաղթ 

փտածութիւն 

հոգեմաշութիւն

հայրենադարձութիւն

      սուրիահայութիւն

Գանձասար Շուշի

նոր Աւարայր ու Սարդարապատ

Վերջապէ՞ս … Կիլիկիա-Հին/Նոր Հայաստան պահանջատիրութիւն՝

Ս. Սոփիա

Իսկէնտերուն

Տէօրթ-եոլ

Ատանա

Տիգրանակերտ

Սասուն Մուշ Վան

       Աղթամարի Ս. Խաչ 

եկեղեցիներու պարս

յուշերու պար

սուտ իրաւ

խաբկանք յաղթանակ

այսօր վաղը

օրհնութիւն անէծք 

մշտոլոր շրջագայում

անհանգրուան հանգրուանում 

սեւ ուրուական

անդառնալի կամք

հաստատ վերադարձ

վերջնական խարսխում

ե՞րբ ինչպէ՞ս ինչո՞ւ

մինչ այդ՝ ուտել խմել աղօթել ճառել վիճիլ 

        – հայ ծնիլ, հայ մնալ, հայ մեռնիլ…

Մոնթրէալ-Գանատա 7 Հոկտեմբեր 2017         Նարեկ արք. Ալեէմէզեան

Յ.Գ. «ԽԱՐԻՍԽ»-ը կարելի է լսել այցելելով.- https://www.facebook.com/nareg.alemezian/

Նարեկ արք. Ալեէմէզեան։ ՄՈՆԱՔՈՅԻ ՇՆԻԿՆԵՐԸ

«Շուրջ եղեն զինեւ շունք բազում» (Սաղմոս Ի.17)




Նորին նախապատւութիւն

տէր տիրուհի սպասաւոր սպասուհի

մայթերուն

ծաղիկներ

մէզի երիզներ եւ …




չեն հաջեր

կը գզուըրտուին իրարու նազ կ’ընեն կը դիտեն կը հիանան

– հապա տէրե՞րը




որքա՜ն ծախս

վիլլա այսինչ վիլլա այնինչ




եթէ նոյնիսկ շուն պիտի ծնիս

բախտաւոր աստղի տակ Մոնաքոյի շնիկ պէտք է ծնիս




Մոնաքօ-Մոնթէ Գարլօ 28 Մայիս 2014 Նարեկ արք. Ալեէմէզեան










Յ.Գ. «ՄՈՆԱՔՈՅԻ ՇՆԻԿՆԵՐԸ» կարելի է լսել այցելելով.- https://www.facebook.com/nareg.alemezian/

A Bouquet Of Medieval Poetry

The Armenian Institute's blog has published a selection of poems preserved by Movses Khorenatsi. We invite you to enjoy and comment on this article and its contents.

A feast for the ears and heart.


Lola Koundakjian
Curator and Director, The Armenian Poetry Project

Նարեկ արք. Ալեէմէզեան։ ՎԵՐՅՈՒՇ

Ընկերոջս՝ Յ.Գ.-ին


Քառասուն տարիներու բաժանման անջրպետի միացում

Պուրճ Համուտի Սանճագ քէմբէն Մոնթրէալ…




Ս. Վարդանանց եկեղեցի

Թէքէեան վարժարան

ջերմ դրացնութիւն

մանկական խաղեր

պատանեկան չարաճիճիութիւններ

սեւերու մէջ փաթթուած մեծ մայրիկներ

Տէօրթ Եոլ-Իսկէնտերուն-Պէյրութ ընտանեկան կապեր

հին սերունդ-նոր սերունդ անագուցեալ կեցութիւն

լիբանանեան քաղաքացիական պատերազմ

հապճէպ մեկնում

պարտադրեալ խզում




Նոր երկիր նոր կեանք նոր միջավայր նոր մարդիկ նոր ընտանիք

անակնկալ վերահաստատում հին կապերու եւ սրտակցութեան

հայու ճակատագիր

հայու բախտ

հայու ճանապարհ

հայու հին/նոր ողջագուրում

հանգոյց

մեկնում

վերամիացում

բեկում

հայ-պայ…




եւ այսպէս մինչեւ վերջին կայան

Ո՞ՒՐ

Հայաստա՞ն

Գանատա՞

Լիբանա՞ն

Չինաստա՞ն




Ամեն տեղ եւ ոչ մէկ տեղ խարսխեալ գոյութիւն արմատեալ ինքնութիւն

միշտ ու միշտ յուշ, վերյուշ, նոր յուշ անյուշարար բեմականացում

հայագոյութիւն

հայակեցութիւն

հայաթափում







Մոնթրէալ-Գանատա 4 մարտ 2017 Նարեկ արք. Ալեէմէզեան










Յ.Գ. «ՎԵՐՅՈՒՇ»-ը կարելի է լսել այցելելով.- https://www.facebook.com/nareg.alemezian/

IALA launch, March 21, 2021

The International Armenian Literary Alliance (IALA), a new non-profit dedicated to supporting the reading, writing and publishing of Armenian literature.


At the launch, board members will introduce the programming for the coming year, and seventeen Armenian writers from around the world will read from their work.

When: Sunday, March 21st at 10 am Pacific/ 1 pm Eastern / 5 pm London / 9 pm Yerevan time

Click here to register for the Zoom event.


Won't you join us!

Նարեկ արք. Ալեէմէզեան։ ՎԵՐՋԻՆ ՎԱՐԴԸ

Ճերմակ վարդ մը
լուացուած Շան զ՛Էլիզէն եզերող նստարանի մը վրայ հանգչած դոյլին մէջ
շաբաթ առաւօտեան ժամը ութին իր մենութիւնը կը թօթափէ ձեռքիս մէջ


Ո՞վ թողած է զայն հոս
ուրբաթ գիշեր քանի ձեռքերէ անցա՞ծ է ան
ի՜նչ սէրեր ի՜նչ խոստումներ ի՜նչ խաբկանքներ
գրկած են զայն երկուքով


Սխալ ձեռքի մէջ է ան հիմա – ես ի՞նչ պիտի ընեմ զայն որո՞ւ պիտի տամ


Ճերմակ վարդը գորովալից կը դնեմ իր տեղը եւ ճամբաս կը շարունակեմ...



Փարիզ-Ֆրանսա 31 Մայիս 2014
Նարեկ արք. Ալեէմէզեան


Յ.Գ. «ՎԵՐՋԻՆ ՎԱՐԴԸ» կարելի է լսել այցելելով.- https://www.facebook.com/nareg.alemezian/

William Saroyan: The Beautiful People

You will remember the strange times

When all the world wept

At the sudden unaccountable kindness

Of unknown people, wounding him whom evil

Could not hurt: 

                    the standing out of the way, 

The making room, the letting pass,

The sweet and sudden Christianity,

And the grace not to hinder if not to help

Whom they do not know except as another also here:

Who would himself do every kindness ––

Their kindness throwing him off guard,

Stabbing him with the only weapon

He could not, would not guard against.

At these strange times, not you

But all the world wept. You wept

Int he movies, at the shabby.

Kindness in them more than any kind of cruelty hurts.

Let them intend murder, and you'll pass assassin and thief.

No wound will make you turn.

But them make a way and you will halt.

Let them smile and the stab will be fatal.

You'll drop where you stand. 

When they're beautiful, you may not weep, 

But that sobbing everywhere isn't cinema sound-effect.

William Saroyan

This poem appeared in the May 1941 edition of Poetry. 

Նարեկ արք. Ալեէմէզեան։ ՀՈԳԵՇԷՆՔ

Պիքֆայա

նռնենի

խնձորենի

թզենի

այգի

քար

երկաթ

կղմինտր

շէնք

մատրան հարեւանութեամբ

դպրեվանք

հաւատքի առաքելութեան վառարան

ազգային իղձերու շտեմարան

հոգեպտուղ

միաբանութիւն

համայնական կեանք 

անսակարկ ծառայութիւն

հոգեշէնք...

Մոնթրէալ-Գանատա 8 Հոկտեմբեր 2017         Նարեկ արք. Ալեէմէզեան

Յ.Գ. «ՀՈԳԵՇԷՆՔ»-ը կարելի է լսել այցելելով.- https://www.facebook.com/nareg.alemezian/

Նարեկ արք. Ալեէմէզեան։ ՎԱՅՐԿԵԱՆ ՄԸ ԵՒՍ

«Քորոնաժահր»-ի մանգաղով հնձուած հայորդիներուն




Կեանքի խօլ մրցավազքին մէջ

անհուն ժամանակէն թէկուզ վայրկեան մը եւս տրուէր ինծի…




Իւրաքանչիւր ապրած օրս

կեանքիս վերջին օրը նկատելով

լաւագոյնս պիտի ընէի

թերեւս միայն ինծի համար

կամ ծանօթին-անծանօթին սիրով ընծայուելով




կոտրած սրտեր իրար կապած

աշխարհի մաղձն ու քաղցրը ի մի բերած

շահ փնտռած վայելք գրկած

ցաւով քէֆով օր անցուցած ինկած-ելած

խախտած նժար սնանկ սակարկութեան նստած հաշուեփակ կնքած

կեանքէն ա՞յս էր միայն ինծի տրուած



երազներս այնքա՜ն հեռու եւ մօտ

սրտիս զարկերը այնպէ՜ս ներդաշն

հարց-պատասխան ուռկան հիւսած

կեանքը նուաճելու խաբկանքը յար

անմահութեան լեղի համով զիս համակած

ասո՞ր համար աշխարհ եկայ



շարժող շուք

ամենը եւ լաւագոյնը խլելու փորձ

կեանքս ամբողջ ծրագիրներ մատներու արանքներէն սահած

ժամանակի թելէն հատիկ-հատիկ փրթած արդէն

բախտի կասած անիւ կը թուին ալ

յաւէտ չշահուելիք վիճակահանութեան տոմս




* * *



Թէեւ անհուն ժամանակէն վայրկեան մը եւս ուզելն անհեթեթ է…




ինքզինքս գերազանցելու առիթը չկայ

հարցումները առկախ

հեւքը դադրած

կեանքի քառուղիներուն վրայ բաժնուած

մահով ի մի եկած

յաւերժութեան մէջ թաւալ մըն եմ

անքուն ննջեցեալ մահուան փոսին մէջ

յարգանդ երկրի

հող էի եւ կրկին հողին վերադարձայ




դո՛ւն ողջ ընկեր կեանքդ շահէ իմ կեանքիս տեղ

կեանքը քեզի՛

բռնէ վայրկեանը պահէ գգուէ բաշխէ

ինծի համար մեզի համար

բաց հորիզոն լոյս հոգիով յոյսին ճամբորդ

դէպի արեւ դէպի նոր կեանք

անփորձանք մնաք

ցտեսութիւն ի վերին Երուսաղէմ

արդարներուն վերապահուած օթեւան

երկրորդ գալուստ

մեռելներու յարութիւն

Փրկիչը դիմաւորող յափշտակութիւն

ահեղ դատաստան

անդարձ դատակնիք

ես խոնարհ եղայ եւ Տէրը փրկեց զիս

եկուր օրհնեա՜լ ծառաս



Ընկեր

ինչ որ ես չկրցայ ընել

դուն ըրէ այսօր – վաղը կրնայ շա՜տ ուշ ըլլալ

գուցէ նաեւ բնաւ չգայ…





10 մարտ 2021 Նարեկ արք. Ալեէմէզեան


Յ.Գ. «ՎԱՅՐԿԵԱՆ ՄԸ ԵՒՍ»-ը կարելի է լսել այցելելով.- https://www.facebook.com/nareg.alemezian/

International Armenian Literary Alliance Launch event on March 21, 2021

Join us to celebrate the launch of the International Armenian Literary Alliance on March 21st, 1 pm EDT! The Board of Directors will host a virtual event to announce our new mentorship program, unveil the Young Armenian Poets Awards for high schoolers, reveal our 2021 calendar of events, and stage a virtual reading by Armenian writers from around the world.

Readers will include Lola Koundakjian, Shahe Mankerian, Nancy Agabian, Arthur Kayzakian, Olivia Katrandjian, Nancy Kricorian, Alan Semerdjian, Raffi Joe Wartanian, Arlene Avakian, Mashinka Firunts Hakopian, Lory Bedikian, Armine Iknadossian, Aram Mrjoian, Armen of Armenia and Marine Petrossian.

Register for this event using the link below:

https://us02web.zoom.us/.../reg.../WN_UYDcC61ESlmHSXrS0xn5gQ

Փանոս Ճերանեան։ Կոմիտաս Վարդապետի յիշատակին

Փոքր հասակիս

«Տլէ Եաման» էն աւելի

հօրս շուրթին Կոմիտասի «Պատարագ»ը կը լսէի.

ապա հայրս՝ իր ծննդավայրի լեռներուն

լռութեամբ

ամբողջ օրը

իր երգերուն արձագանգին կը սպասէր.

անհորիզոն հեռուներէն

իր սերունդի տղոց մասին

տեղեկութիւն առնելու… 

«Մարմարա Գրական Գեղարուեստական», 25 Փետրուար 2021

Զահրատ։ Սեւակ

Պարոյր մանչս երկուքս ալ
Նոյն տարիքը ունէինք -
Հիմա ես կամ - դուն չկաս -
Եղա՞ւ ասիկա

 
Թէ բարիք է տաղ ըսել
Պարոյր մանչս երկուքս ալ
Նոյն բարիքը ունէինք -
Հիմա ես կամ իբր թէ -
Իսկ դուն կաս ու կը մնաս -
Քանի՞ հոգի մահէն վերջ
Տեսաւ ասիկա

 
Սիրել մարդիկը բոլոր
Թէ կարիք է անկորուստ
Պարոյր մանչս երկուքս ալ
Նոյն կարիքը ունէինք -
Հիմա տխուր - առանձին -
Կը վերյիշեմ քաղցրօրէն
Թէ Պարոյրը բանաստեղծ -
Ըսաւ ասիկա

Պարոյր մանչս քանի որ
Նոյն տարիքը ունէինք -
Մանուկ էինք երկուքս ալ -
Խաղը կիսատ թողուցիր -
Չեղաւ ասիկա...


Զահրատ

Պաղտասար Դպիր։ Սիրոյդ կապեցայ

Սիրոյդ կապեցայ,

Գեղոյդ պատրեցայ,

Ով կենցաղ, իմ սուտ բարեկամ,

Ունայն վարեցայ:

Իզուր խռովեցայ,

Սնոտի դատեցայ,

Վասն անցաւորիդ եղկելիս,

Հալեալ մաշեցայ:

Հոգօք ցնորեցայ,

Խոտոր գլորեցայ,

Ի հրապուրանաց քոց գերիս,

Առեալ խմորեցայ:

Քանի խաբեցայ

'Ւ ի քեզ յարեցայ,

Բաց ի վենասէ՝ ողբալիս

Ոչինչ շահեցայ:

Արդ զոր խօսեցայ,

Ստոյգ բարբառեցայ,

Ուրեմն ապա յոյժ յիրաւի

Զքէն գանկատեցայ:

Փանոս Ճերանեան։ Կակաչի մը Օրագրէն

Քամիներու

թէժ լարերուն վրայ ծաղկած՝

ես կակաչն եմ յիշողութեան։

Եփրատ գետի ոլոր-մոլոր ափերուն,

աւազներէն, աստղերէն ա՛լ աւելի

շօշափեցի գոյնը կարմիր ալիքի։

Ու համրացայ հեգելէն

հոգեվարքի այբբենարանն հայ մանուկներուն,

ու խլացայ ունկնդրելէն Տէ՜ր Ողորմեան՝ 

անոնց անթեւ թռիչքին

տիեզերքի տարածքները ճանկռտող։

Դողս մնաց ամայքին մէջ ,

զիրար փնտռող տառապահար ափերուն։

            Փանոս Ճերանեան

«Մարմարա Գրական Գեղարուեստական», 25 Փետրուար 2021