Մուշեղ Իշխան: Որբերու Բանակ
Որբերու բանակ, ոգեղէն սերունդ,
Քեզ համար, Երազ, որբացանք այսպէս.
Եւ յետոյ ﬔծցանք ծծելով ﬕշտ քեզ`
Իբրև մայրական սուրբ կաթ ու սնունդ:
Փոթորիկին մէջ երբ որ ﬔնք անզօր`
Որոնեցինք պարզ խլեակ մը ﬕայն,
Դուն ﬔր ոտքին տակ, անդունդին վրան
Կախարդական նաւ դարձար լուսօրօր…
Տուիր ինչ որ ﬔզ այս կեանքը ﬔրժեց-
Մայրական թևեր, հայրենի երդիք.
Աշխարհի վերև դուն սիրոյ երկինք.
Աւելի հզօր, աւելի անեղծ…
Գոյնէդ տուիր գոյն դուն ﬔր դէմքերուն-
Վեհօրէն դալուկ և մաշա՜ծ պատկեր.
Մշտաբոց լոյսի տեսիլք գերիվեր`
Մեր աչքերուն մէջ կը վառիս ﬕշտ դուն:
Թէև ﬕգացած քայլերով տրտում
Բայց ﬔր երթն անշեղ չի ճանչնար նահանջ.
Մեր ձայնը ﬔռած լճի խուլ հառաչ,
Բայց ﬔր խօսքը վառ` ալեկոծ յուզում:
Որբերու բանա՜կ, տելսահար խենթեր,
Մենք քեզմով, Երազ, գինով ենք այսօր.
Քու անհուն փառքիդ նուիրեալ զինուոր`
Մեր կուրծքին վրայ կ՛երթանք քեզ գրկել…
Մուշեղ Իշխան «Լուսեղէն Տրտմութիւն» Գիրքէն
No comments:
Post a Comment